Welkom by Gereformeerde kerk Innesdal

Eredienste
Oggend: 09:30
Aand: 18:30

Welkom by die gemeente van die Here. Die gemeente is gestig op 24 Desember 1938 en dra die naam van die eertydse munisipaliteit in die Pretoriase Moot ten ooste van die Apiesrivier. Dit is die derde oudste en eerste gemeente in Pretoria wat na die noorde afgestig het.
Die gemeente is klein, wat daartoe bydrae dat 'n intieme samesyn tussen die lidmate heers.
Kom kuier gerus by ons.

Die gemeente se ouer garde

Inligtng
Die gemeente se ouer garde stel 'n mooi voorbeeld aan die jongeres

Jare se ervaring, kennis en wysheid word deur ons ouer mense gedeel.

Die susters

Inligting
Die susters se hoofdoel is om daadwerklik liefde en onderlinge meelewing in die gemeente te beoefen en so eenheid in Christus te toon.

Die werksaamhede van die susters sluit in maandelikse vergaderings en onderlinge meelewing in die vorm van tee en koffie na kerk, broodjie-aande, tee en verversings met begrafnisse asook besoeke aan bejaardes, siekes en eensames.
Verdere betrokkenheid sluit in samewerking met die koningskinders aksie, die Wingerdstok en die jaarlikse kermis. Fondse word ook ingesamel deur die susters om meelewing aksies te help finansier.

Diakonie en Kerkraad

Ds. Wikus Buys is die Voorsitter van die Kerkraad en die Skriba is Br. Frans Du Plessis. Die ouderlinge kom gereeld byeen om oor gemeente aktiwiteite te besin en ordelike besluite te neem. Die Diakonie Voorsitter is Br. André Viljoen. Die Diakonie vergader gereeld. Benewens huisbesoek en nagmaal voorbereiding, word behoeftiges van nood middele voorsien. Die diakonie is betrokke by die Paul Kruger Kinderhuis, Eljada Huis en Koningkinders. Al die Kerkraadlede is aktief in verskeie kommissies werksaam.